Imma rock dis shit like fashion

Góðan dásamlega fallegan daginn, það er föstudagurinn 10.október og í tilefni af þessum degi ákvað ég að loksins fylgja hjartanu og byrja með almennilegt blogg. Í þessu bloggi ætla ég að fjalla um allskonar hluti, bæði um hvað gerist áhugavert í mínu eigin lífi, persónulegar reynslur, hugmyndir um tísku og listir, umfjöllun um hluti sem vekja áhuga hjá mér o.s.frv. og ég ætla að reyna að hafa þetta eins fjölbreytt og ég get. Ein af ástæðunum fyrir þessu bloggi er að mig langar mikið að sækja um í einhverskonar tískufjölmiðlafræði, fashion journalism, í háskóla erlendis og tel mig þurfa að byggja upp reynslu með því að tjá mig enn frekar á samfélagsmiðlunum í gegnum mitt eigið blogg.

Ég mun eyða þessari önn á Íslandi og er á öðru ári í Háskóla Íslands þar sem ég læri listfræði. Sumrinu eyddi ég öllu í Californiu og mun að öllum líkindum flytja þangað næstkomandi febrúar. Kærastinn minn vinnur þar við að semja tónlist og er hæfileikaríkasti einstaklingur sem ég hef hitt í lífinu, það þarf ótrúlegt hugrekki að flytja svona heimshorna á milli til þess að framfylgja draumnum sínum og á hverjum degi veitir hann mér innblástur í að fylgja mínu.

Í síðustu viku skrapp ég til London þar sem góð vinkona mín býr og við áttum vægast sagt viðburðaríka og frábæra helgi. Mig langar ótrúlega að flytja þangað og sækja um nám og er eitthvað að reyna að blikka Pálma, kærastann minn, í að koma með mér þangað frá LA þar sem Bretland býr yfir stórkostlegu tónlistarfólki, en við sjáum bara til hvað framtíðin ber í skauti sér. LA er líka mögnuð borg að búa í, tækifærin leynast alls staðar og báðar borgir búa yfir þeim skemmtilega eiginleika að þær einkennast af fjölbreytni og virðingu fyrir ólíkum samfélagslegum hópum. Ég get ekki talið hversu oft ég hef komið til London en það besta við haustin mín er að skreppa þangað yfir í langa helgi og drekkja í mig fallegu borgina og menninguna, endurnýja aðeins fataskápinn og koma endurnærð heim í íslenska hversdagsleikann. Í þetta skipti kíkti ég á Harry Potter safnið og það er að öllu gríni slepptu eitt það skemmtilegasta sem ég hef á ævi minni gert. Ég er Harry Potter fanatic og lifði mig svo alvarlega inn í bækurnar að ég grét oft í svona viku eftir að ég kláraði þær.

Þarna er ég í potions kennslustofunni hans Snape( Snape forever!!). Í Kanye bolnum mínum sem ég eyddi aleigunni minni í, úr búð sem heitir Wild Style og er á Melrose Ave. í LA. Flottasta búð ever. Hvað get ég sagt, imma Kanye gurl.

Eitt kvöldið í London fór ég með Hjördísi vinkonu minni í austur-evrópskt hverfi og við fórum á veitingastað sem seldi kebab og te og þú gast reykt vatnspípu á meðan. Pælið í því hvað það er skemmtilegt, að taka sér hálftíma göngutúr og labba úr einum menningarheimi í einhvern gjörólíkan!

Vatnspípa, te og ma vivienne westwood bby bag

Það sem ég geri í hvert einasta skipti sem ég fer til London er að fara í afternoon tea. Það er ekta breskt og posh og svo er það líka bara ótrúlega gómsætt. Besta litla systir mín bauð mér í afternoon tea á Fortnum and mason í tilefni af 22 ára afmælinu mínu fyrr í september og við áttum yndislega stund saman í gullfallegu umhverfi testofunnar í Fortnum og svo er alltaf sami sæti karlinn sem spilar á píanó fyrir gestina sem gerir stundirnar þarna ennþá eftirminnilegri.

Stelpan fyrir utan Fortnum and Mason í kjól úr Sandro Paris, jakka úr topshop, skóm frá Vagabond, tösku frá vivienne westwood og silkiklút bundinn um hárið. Þarna má meðal annars finna girnilegustu matarbúð Bretlands og þetta er svolítil eins og vöruhús, nokkrar hæðir með mismunandi söluvarningi en allt er rosalega high class og flott. Allir ættu að gera sér leið þangað ef þeir eru í London.

Þó ég hafi bara verið 4 daga í London gerði ég svo ótrúlega mikið fleira. Ég fór á portobello markaðinn á laugardeginum, það er huges útimarkaður niður allan portobello road og býr yfir allskonar gersemum og ómissandi varningi ásamt gúrm streetfood, m.a. uppáhalds hamborgaranum mínum, Cheeky Bacon Burger. Á laugardagskvöld fór ég út að borða á Buddha Bar í Knightsbridge með mömmu, systkinum mínum og Hjördísi og seinna um kvöldið fóru ég og Hjördís að djamma með vinum hennar á mega fancy klúbb þar sem við vorum með VIP herbergi útaf fyrir okkur, endalaust af vodkaflöskum og hookah pipe. Óljóst en mjög skemmtilegt kvöld..

Portobello market goodies

þessar tvær urðu vinkonur þökk sé Londontown hihi. Ómetanlegt. Og ég í nýjum kjól frá topshop.

London hefur aldrei verið jafn skemmtileg og með þessari lil sista, she da best.

Endilega fylgist með mér og þessu æsispennandi bloggævintýri hjá mér hehe. Núna ætla ég að eiga yndislegan dag í fullkomnu íslensku haustveðri og drullast út að hlaupa. xoxo, DJ